ԹՈՒՖԵՆԿՅԱՆ ԱՎԱՆ ՁՈՐԱԳԵՏ ՀՅՈՒՐԱՆՈՑ ԵՎ ՌԵՍՏՈՐԱՆ, Լոռու մարզ
Ձորագետի կիրճում` Դեբեդ գետի ափին տեղակայված Թուֆենկյան Ավան Ձորագետ հյուրանոցը գրավում է իր միջնադարյան ոճով կառուցված շինությամբ՝ պատված բազալտ քարով: Օգտվեք լողավազանից և շոգեբաղնիքից, ճաշակեք արևմտահայկական և տեղական խոհանոցի ուտեստները մեր ռեստորանում և այցելեք շրջակայքի տեսարժան վայրերը, ինչպիսիք են Հաղպատի ու Սանահինի վանքերը: ։
Իր բազմաթիվ հարմարությունների շնորհիվ Ավան Ձորագետ հյուրանոցը հնարավորություն է տալիս անմոռանալի հանգիստ անցկացնելուն զուգահեռ նաև կազմակերպել տպավորիչ միջոցառումներ ու խնջույքեր, ինչպես նաև բացահայտել Լոռվա մարզի հրաշալիքները։
Ծառայություններ
![Ձիավարություն](/upload/resize_cache/iblock/8a1/720_360_2619711fa078991f0a23d032687646b21/1c3b1pyvl20fkzetqlyy0db410m16b89.jpeg)
Հանգստանալով Ավան Ձորագետ հյուրանոցում՝ Ձեզ մի զրկեք Լոռվա մարզի գեղատեսիլ բնությամբ հիանալու հնարավորությունից և գնացեք ձիավարության: Ձորագետի կիրճի տեսարանները, կանաչ դաշտերը, սոճու անտառները․ այս բոլոր բնապատկերները պարզապես ստիպում են Ձեր սրտին նորովի բաբախել: Ապրիլից մինչև նոյեմբեր մենք առաջարկում ենք օգտվել ձիավարության ծառայությունից 2-12 հոգանոց խմբերի համար, որը տևում է մինչև 3 ժամ։
Խնդրում ենք ի նկատի ունենալ, որ ձիարշավների համար նախատեսված է մինչև 90 կգ քաշի սահմանափակում:
![Խոհարարական դասընթաց](/upload/resize_cache/iblock/624/50_30_2619711fa078991f0a23d032687646b21/u8sju0iubhsqsb43yo7ttx21m4bivfdb.jpeg)
Մասնակցելով խոհարարական դասընթացներին՝ Դուք հնարավորություն կունենաք սովորել պատրաստել երեք ուտեստներ, ինչից հետո կհամտեսեք դասի ընթացքում պատրաստված ուտեստները՝ ճաշացանկից ուտեստների հետ միասին: